News and Latest information Waddani Party

Q,2aad. Kulanka Hoggaanka sare xisbiga WADDANI uu la yeeshay xisbiyahanka, dhalinyaradda iyo aqoonyahanka.

Q.1aad. Guddoomiyaha Xisbiga WADDANI, Md. Xirsi Cali X. Xasan ayaa kulan ballaadhan la yeeshay qaybo ka mid ah xisbiyahannada, dhalinyarada, haldoorka iyo aqoonyahanka Xisbiga WADDANI.Kulanka, oo ay sidoo kale ka qaybgaleen masuuliyiin ka tirsan Xukuumadda Jamhuuriyadda Somaliland, ayaa diiradda lagu saaray Barnaamijka Xubinnimada iyo Qaadhaanka Xisbiga (Party Membership and Subscription Program).Sidoo kale, Guddoomiyaha Xisbiga WADDANI waxa uu haldoorka iyo aqoonyahanka ka soo qaybgalay kulanka la wadaagay qorshayaasha dib-u-habaynta Xisbiga, isaga oo ka dhegaystay talooyin iyo aragtiyo la xidhiidha qorshayaasha iyo hawlaha Xisbiga.Kulankan ayaa qayb ka ah dadaallada Xisbiga WADDANI ee lagu xoojinayo xidhiidhka uu la leeyahay xubnaha Xisbiga, dhalinyarada, aqoonyahanka iyo qaybaha kala duwan ee bulshada.

𝗔𝘅𝗺𝗲𝗱 𝗖𝗮𝗹𝗶 𝗙𝗮𝘅𝗹𝗲 𝗼𝗼 𝗹𝗼𝗼 𝗺𝗮𝗴𝗮𝗰𝗮𝗮𝗯𝗮𝘆 𝗚𝘂𝗱𝗱𝗼𝗼𝗺𝗶𝘆𝗲 𝗞𝘂-𝘅𝗶𝗴𝗲𝗲𝗻𝗸𝗮 𝘅𝗶𝘀𝗯𝗶𝗴𝗮 𝗪𝗔𝗗𝗗𝗔𝗡𝗜 𝗲𝗲 𝗚𝗼𝗯𝗼𝗹𝗸𝗮 𝗦𝗮𝗮𝘅𝗶𝗹Guddoomiyaha Xisbiga WADDANI, Md. Xirsi Cali X. Xasan, ayaa Mudane Axmed Cali Faxle dib ugu magacaabay Guddoomiye Ku-xigeenka Xisbiga WADDANI ee Gobolka Saaxil.Guddoomiyuhu waxa uu mundane Axmed Cali Faxle kula dardaarmay inuu si hufan u guto waajibaadkiisa shaqo, si la mid ah muddadii uu hore u hayay xilkan, kana shaqeeyo dardar-gelinta hawlaha xisbiga ee Gobolka Saaxil

Q,2aad: Kulanka Hoggaanka sare ee xisbiga WADDANI iyo aqoonyahanka degmada 31-ka May.

𝐆𝐮𝐝𝐝𝐨𝐨𝐦𝐢𝐲𝐚𝐡𝐚 𝐗𝐢𝐬𝐛𝐢𝐠𝐚 𝐖𝐀𝐃𝐃𝐀𝐍𝐈 𝐨𝐨 𝐐𝐚𝐚𝐛𝐢𝐥𝐚𝐲 𝐐𝐚𝐚𝐫 𝐤𝐚 𝐌𝐢𝐝 𝐚𝐡 𝐂𝐮𝐪𝐚𝐚𝐬𝐡𝐚 𝐁𝐞𝐞𝐬𝐡𝐚 𝐑𝐞𝐞𝐫 𝐖𝐚𝐜𝐚𝐲𝐬 𝐞𝐞 𝐂𝐢𝐢𝐬𝐞 𝐌𝐮𝐮𝐬𝐞
Guddoomiyaha Xisbiga WADDANI, Mudane 𝐗𝐢𝐫𝐬𝐢 𝐂𝐚𝐥𝐢 𝐗𝐚𝐚𝐣𝐢 𝐗𝐚𝐬𝐚𝐧, oo uu wehelinayo Guddoomiye Ku-xigeenka Xisbiga, Mudane Cabdirashiid Maxamed Yuusuf, ayaa xafiiskiisa ku qaabilay qaar ka mid ah Cuqaasha Beesha Reer Wacays ee Ciise Muuse.
Caaqilka Guud ee Beesha, Caaqil Xasan Shaqale Maxamuud, ayaa munaasibaddaasi ka bixiyay raalligelin hadallo uu hore warbaahinta ugu mariyay Guddoomiyaha Xisbiga Waddani, kuwaas oo uu sheegay inaanay habboonayn.
Munaasibadda waxa goob-joog ka ahaa ganacsato iyo siyaasiyiin kasoo jeeda Beesha Reer Wacays. Waxayna beeshaasi ballanqaadeen inay la shaqayn doonaan Xisbiga WADDANI iyo Xukuumadda Jamhuuriyadda Somaliland.

Guddoomiyaha Xisbiga WADDANI Md. Xirsi Cali X. Xasan ayaa galabta kulan ballaadhan la yeeshay dhalinyaro aqoonyahanno ah oo ka kala socday sagaalka 9-ka degmo ee Caasimadda Hargeysa.Kulanka oo ka qabsoomay Xarunta Xisbiga WADDANI, ayaa diiradda lagu saaray Barnaamijka Xubinnimada iyo Qaadhaanka Xisbiga (Party Membership and Subscription Program).Sidoo kale, Guddoomiyuhu waxa uu dhalinyarada la wadaagay qorshayaasha dib-u-habaynta Xisbiga, isaga oo ka dhagaystay talooyin la xidhiidha qorshayaasha Xisbiga